الحلقة العاشرة - انفلونزا الـBB

نوفمبر 8 200910 تعليق

مصنفة ضمن: بودكاست

السلام عليكم

هل أصبحت التقنية “ترفاً”؟

نخوض في هذه الحلقة عن انفلونزا الـبلاك بيري وانتشاره في أوساط المجتمع

لتحميل الحلقة العاشرة ..هنا

فكرة الحلقة:

ملاذ الشيحة - مدلول العيادة - محمد العرفج

محاور الحلقة:

1. الفكرة من خدمة البلاك بيري
2. تاريخ البلاك بيري في السعودية
3. الفئة المستهدفة للبلاك بيري
4. وضع البلاك بيري في الوقت الراهن

فهل فعلاً أصبحت التقنية من أداة لحل المشكلات إلى أداة “ترف”؟

 

 الحلقة العاشرة - انفلونزا الـBB: Play Now | Play in Popup | Download

التعليقات 10 على “الحلقة العاشرة - انفلونزا الـBB”

1. مضيعه بيتهم علق:
   9 نوفمبر 2009 في الساعة 11:25 م

   يعطيكم العافية على الحلقة المميزة بصراحة …
   ممكن البلاك بيري اخذ اكبر من حجمة وانا كنت من الناس اللى ضد هذا الجوال لاني احسة ماله اي لزوم ، لكن كل تقنية لها سلبيات واجابيات وللأسف اول ما انتشر كنت اعتقد انه فقط ( للمغازل ) وبعدين انصدمت انه للتواصل بين الاخرين وفي جميع انحاء العالم وبطريقة سهله وجميلة [ وانا اعتبر خدمة BB تطور تكنلوجي او خلونا نقول تقنية جديده ] ،، واذا الان الرسوم 99 ريال راح ينخفض السعر ملحقاً وممكن يصير مجاناً..

   - بخصوص نوكيا اسمحوا لي انتم غلطانين شركة نوكيا معلنة من فترة عن خسارتها ومين يشتري نوكياالان؟؟ مشاكلة كثيرةاما مضروب او يصير فية مشكلة ونوكيامايعيش اكثر من سنة من تجربة شخصية، ممكن احد ياخالفني الرأي خصوصا عشاق نوكيا ، ممكن نقول سوني اريكسون وخصوصا ان سوني جدا قوي .. بس اذا على شان السعر ايش الفايدة تشتري شئ رخيص واقل من مدة بسيطة ويضرب معاك .

   كثير من اللى يستخدمون البلاك بيري يقولون كنا متحسفين ندفع 99 ريال شهرياً على خدمة رسايل ونحس المبلغ كبير ، بس بعد ما استخدموا يقولون فتورة الجوال انخففضت عندهم لان كان اكثر وقتهم مسجات مع صديقاتهم وسواليف …

   اخيراً ترى جوالي مش بلاك بيري ولحد الان جالسة افكر اطلع او ما اطلع ، لان الجوال اللى استخدمة وصلتني معلومة ان راح يتوفر فية خدمة الماسنجر زي البلاك بيري وافضل بس مش متأكدة من الخبر ..

   واما مستخدمين الايفون انا من المعجبين في الايفون بس بعد البلاك بيري احس الايفون مجرد تقنية سهل استخدامها ومطورة بس مافيها خدمة جديدة وتفيد زي البلاك بيري :d + الايفون حساس بزيادة اتوقع عن نفسي اقل طيحة راح اودعه

   شكراً مرة ثانية على الحلقة المميزة ، دعواتنا لكم بمزيد من التوفيق

   واعتذر ع الايطالة

2. نـوفـا علق:
   10 نوفمبر 2009 في الساعة 1:06 ص

   حلقة روووووووعة ..
   اعجبني النقاش الحاد والحلو في نفس الوقت ..
   انا شخصياً ماكنت اعرف عنه اي شي لحد الشهر هذا تقريباً من وحدة من الصديقات ع المسنجر .. شوي وتضربني عشان تقنعني انه احلى وافضل من النوكيا .. أنا من المتحيزين لـ نوكيااا بالرغم من كل شي يقال عن اجهزته ..
   البلاك بيري حسيته اول ماسمعت فيه لرجال الأعمال وبس .. بس ماكنت عارفة وش الميزة الفريدة من نوعها فيه .. لحد ماكلمتني عنه صديقتي ..
   بحثت عنه وشفت شكله (وانا اهتم بالشكل اكثر شي ^^) وشفت انه عريض بزيادة وكبير .. فـ ماحبيته ..
   ومن كلام الأستاذ ياسر عرفت ان مافيه ميزة حقيقية ..خدمة جوال نت ع الاتصالات او موبايلي كانت تكفي وتفي بالغرض وهذا عن تجربة فللحين ماادري وش السر .. ؟ ممكن رخص الخدمة .. الله اعلم !

   في الحلقة هذي اتفق مع أ.ياسر بكل كلمة قالها .. ومايهون اخوي بدر ..أفدتونا بصراااااااحة .. مشكووورين ع الموضوع والشكر قبل لـ ملاذ الشيحة و للاخوان اللي اقترحوا الحلقة ..

   ايوه ونسيت .. سلامتك اخونا بدر ..لابأس .. كانت الانفلونزا متفاعلة مع الموضوع ^^

   تحيتي لكم ..
   

3. yasser علق:
   10 نوفمبر 2009 في الساعة 10:23 ص

   مضيعة بيتهم:
   مع احترامي ..ولكن هذي الخدمة موجودة في الجوالات الثانية يعني 100 ريال شهرياً أقدر أحصل على 1 غيغا بيانات سواء من موبايلي أو زين أو الجوال وممكن أستخدمها في الماسنجر أو الإيميل.. ولكن المميز في البلاك بيري هو التزامن اللحظي للإيميل..

   بالنسبة للنوكيا < == كم أكره هذا الجهاز .. أغبى جهاز في العالم (من وجهة نظري طبعاً )

   أما الآيفون .. فأعتقد أنتي ظلمتيه بشكل كبير وأطالبك بالإعتذار من السيد آيفون .. حرام كيف الآيفون ما فيه خدمة مميزة؟ بالعكس أختي.. الآيفون مليء بالخدمات اللي يعجز البلاك بيري عن الوصول لها!! هل أعدد؟ أوكي..
   1. متجر للبرامج يحتوي على 100000 (مائة ألف) برنامج 90% منها لا يتجاوز سعره عن 2.99 دولار!!
   2. مزامنة لحظية لأكثر من إيميل (قوقل, إيميل الشركة, ياهو…). يعني مثل البلاك بيري وأكثر
   3. برامج للماسنجر كثيرة جداً مثل eBuddy و +IM
   4.شاشة لمس متعدد
   صدقيني الميزات الكثيرة في الآيفون جعلتني أقول أنني لن أشتري جهاز بعد الآيفون إلا آيفون آخر
   ولكن بعد الناس لا يعجبها الآيفون وهذا من حقها..
   وللعلم… شوق بنتي توطت في بطن أم الآيفون حقي ما في أرض بالبيت إلى رمته عليه .. وتقولي: بابا .. ولما التفت عليها تطيح الجهاز على الأرض وتضحك
   وهذا الجهاز معي زي الحلاوة بالشوكولاته ما عليه خلاف.. وعموماً كل الأجهزة ينخاف عليها إذا طاحت مش بس الآيفون..

   ومشكورة أختى على مرورك الذي أضاف المفيد..

4. yasser علق:
   10 نوفمبر 2009 في الساعة 10:29 ص

   نوفا:

   هلا بصديقة البرنامج (قاعد في إف إم على غفلة )
   هلا أختي .. فعلاً الجهاز عملي ومناسب لرجال الأعمال فقط .. وأستغرب جداً أن هناك فتيات كثيرات عاجبهم الجهاز .. أحس أنهم يشيلونه بيديهم الثنتين
   وأضم صوتي لصوتك وأشكر الأخت ملاذ ومدلول ومحمد على تفاعلهم معنا..

   وأشكرك شخصياً على تواصلك.. فاسمك أصبح منتظراً في كل حلقة..

5. Saud علق:
   10 نوفمبر 2009 في الساعة 7:09 م

   اشكركم على جهودكم .. وأفكاركم الرائعه .. والاسلوب الحضاري في النقاش الجاد ..
   حصل نقاشات كثيره حول البلاك بيري والايفون .. بس احب أضيف نقطه واحده .. كل جهاز وله مستخدمينه .. يعني ..
   الايفون .. للناس اللي يستخدمون التكنلوجيا والالعاب والبرامج ..
   البلاك بيري .. للناس اللي يستخدمون الشات كثير ..

   يعني .. اللي يستخدمون البرامج والالعاب ووووو .. ينصح لهم بالايفون .. لأنه هو الجهاز الوحيد اللي يلبي طلباتهم ..
   اللي يحبون التواصل والشات .. ينصح لهم بالبلاك بيري ..

   أنا شخصيا .. كنت ابي ايفون 3g S
   بس للأسف تأخر علي .. ومانزل الا قبل كم يوم في السعوديه .. وأضطريت اني اشتري بلاك بيري .. مع انه ما دخل مزاجي ..

   بعد استخدامي له .. حبيته الصراحه .. تعلقت فيه

   وبس .. مانقدر نحكم على اي جهاز الا بعد استخدامه .. وكل جهاز وله مستخدمينه ..

   شكرا .. ننتظر جديدكم =)

6. مضيعه بيتهم علق:
   22 نوفمبر 2009 في الساعة 8:47 م

   رجعت لهذي الصفحة لاني بكتب شئ ثاني وعلماً والله توني اشوف اللى انت كاتبة ما امداني ادخل مرةثانية واشوف الرد على تعليقي
   اللى كنت بقولة في التعليق وبضيفة على تعليقي الاول :
   اني ما كنت ادري ان خدمة BB فيها صور ومسجات ورسايل غبية كنت افكر مجرد رسايل واخبار للاشياء المهما ولما شفت الناس الان تعمقوا في البلاك بيري شلته من راسي زي ما كنت شايلته اول ما طلع بس الان شلته بنسبة 100% بدون العودة للتفكير في شرائة ابدااااااا ابداااااااااا

   وراح ابقى مع htc خصوصا انه راح ينزل خدمة جميلة في العام القادم 2010 وراح يتنافس مع البي بي

   واشكركم على هالتدوينة الرائعه ..

   والأيفون معلومة مهما بصراحة ان زجاجة ماينكسر لان كل اللى خذوة انكسر عندهم بسرعه

   دمت بكل خير ومسرات

7. عمرو الحسيني علق:
   3 يناير 2010 في الساعة 6:28 م

   شكرا على التدوينة الصوتية

   لي مداخلة بسيطة حول الموضوع ، بالنسبة (للبلاك بيري) تطبيقاته قليلة ومحدودة اما (الآي فون) فهو بحر من التطبيقات والمزايا.

   هاتف الأي فون مايميزه هو القدرة على تخزين العديد من البرامج والتطبيقات وبأسعار رمزية من 1 إلى 15 دولار عبر أبل ستور أو ( استخدام الكراك وتنزيل البرامج مجاناً) برامج عديده وترفيهية من الدرجة الاولى مثل تعديل الصوت وتسجيل الصوت والكثير الكثير .

   بلاك بيري يأتي اساسا بقارىء doc ppt xls و مسجل صوت و حافظ للكلمات السرية بالاضافة إلى maps والذي بامكانك تخزين google maps ليتماشى مع النظام .
   يمكن تنزيل البرامج ايضاً لكنها قليلة جداً واغلبها لتعديل النظام
   skype ماسنجر لايف كتب أدله برامج تعديل صور وغيره.

   اتمنى ما اطلت عليكم

   ودي واحترامي

8. najd علق:
   17 يوليو 2010 في الساعة 7:43 م

   اخواني يعطيكم الف عافيه على الموضوع الرائع والله يوفقكم ومنها للاعلى ان شاء الله
   الصراحه للاسف ان الموضوع بهذا الوقت صار اشد من الانفلونزا صار اشبه بالوباء الموضوع تعدا مسألة انوه جهاز لرجال الاعمار وصار مع الصغير والكبير الحين للاسف صار فيه مشاكل كثير بين الاقارب والاصدقاء لمجرد انوه ما عندهم بلاك بيري وصاروا “البلاكبيرين” يعتقدون ان الي مو معاه بلاك بيري هذا ولا شي وينظرون له نظره مزعجه وطبعا هذا الشي مايأثر فيني بس اتضايق لما اشوف الناس الي كنا نقضي مع بعض احلى الاوقات يتحولون لاشخاص سطحين ومريضين بهذا المرض وصاروا الحين يكشخون ويلبسون ويجون للمكان الي كان من اكثر الاماكن وناسه بالنسبه لنا عشان حتى ما يرفعون عيونهم من هذا الجهاز وكلهم على هذا الحال واذا حاولت تفتح معاهم حوار يكون ردهم عليك بهذا الشكل ايييييييه وبعدين اييييه يعني>>بالعربي تسليك واذا كلمتهم وقلت لهم انهم متغيرين وما يصلح تسون كذا يزعلون يعني ما ادري وش الحل مع هاذي المشكله
   وما ابي اتكلم عن الايفون لانه ما فيه وجه للمقارنه حتى وكل الي يقولون ان البي بي افضل من الايفون اغلبهم اذا ما كان كلهم يقولون هذا الكلام وهم مو مقتنعين فيه اصلن واذا على خدمه التشاتنج بين البلاكبيريات فيه نفسها بالايفون وبلاش واكثر من برنامج يشغلها مو بس واحد بس كلهم ما يبون يعترفون بهذا الشي لانهم يعرفون انوه اذا تركوا هذا الجهاز الناس بيعاملونهم بنفس المعامله الي يعاملون فيها الاشخاص الي ما معاهم بلاك بيري
   انا بالنهايه اتمنى من كل قلبي ان كل الي معاهم بلاك بيري يراجعون نفسهم ومعليش خلوه معاكم بس استعملوه صح بأوقات الفراغ او اذا عندكم احد مسافر برا تسولفون معاه بس مو بكل مكان بالعزايم وبالمناسبات الكبيره الحين قسم بالله يا اخوان انهم يسون مليون خدعه وخدعه عشان يهربون البلاك بيري حقهم بالعروس وقدام عيني محد قالي وطبعا الكل يعرف انوه ممنوع تدخل جوالات الكمرا بالزواج بس ما يقدرون ويستانسون بالعرس ويشوفون الناس ويستغنون عن هذا الجهاز كم ساعه لا صارت وناستهم بس بالبلاك بيري
   واعذروني على الاطاله بس الموضوع مسببلي ازمه حقيقيه واتمنى انوه محد يزعل مني
   تقبلوا مروري

9. عثمان العبد المحسن علق:
   25 يوليو 2010 في الساعة 4:26 م

   انا جربت البلاك بيري من فترة عند واحد من الشباب وصراحة الصراحة انه جوال فاشل بمعنى الكلمه والي يشوف انه جوال رهيب وافضل جوال هذا غير فاهم في التقنية ابداً وممكن لا سمح الله يطلع غبي

   يا اخوان والله ما اقول الا الحقيقة ,,,, ما عمري شفت واحد متفوق عنده بلاك بيري ولا عمري شفت واحد عاقل وثقل و راعي اخلاق عنده بلاك بيري

   كل الكلام الي قلته ما اقصد فيه احد ابداً

   انا حاليا جوالي N70 >>>> علشان لا احد يقول عني متعصب ايفون

10. UAE GIRL علق:
    28 أغسطس 2010 في الساعة 2:39 م

    I enjoyed the podcast, Im Apple user and never used bb, its common and useful, but people abuse technology .sometimes

أضف تعليقاً